Lis kontwòl sekou nan ka ijans

Apre yon move tan fin pase

Telefone liy dirèk vil la genyen pou ka siklòn 954-828-8888 epi koute estasyon radyo 1610 pou w ka tande nouvo enfòmasyon enpòtan.

Retounen lakay ou sèlman lè leta nan zòn nan fè w konnen pa gen danje pou w fè sa.

Enspekte kay ou.  Rele konpayi asirans ou si kay ou sibi domaj.

Pa rete nan lari. Pa kondui machin toutotan otorite nan zòn nan pa fè w konnen pa gen danje nan lari a.

Si w ta wè manman tiyo dlo ki kase, twou ego ki kraze, ak dren ki bouche telefone 954-828-8000.

Pase lwen tout fil kouran ou wè ki tonbe epi telefone konpayi kouran an FPL nan nimewo sa a 1-800-468-8243 pou w fè yo konn sa.

Pase lwen tout ma dlo, ka gen fil kouran anba dlo a.

Sèvi ak telefòn ou pou ka ijan sèlman.

Pa janm kondui machin nan wout ki anba dlo.

Suiv radyo ak televizyon lokal yo pou w ka konnen si leta pase lòd pou moun bouyi dlo anvan yo sèvi avè l.

Jete manje ki gate ak sa w genyen dlo inondasyon an mouye.

Pa janm sèvi ak dèlko anndan kay.

Pran prekosyon lè w ap retire debri nan lakou w. Mete rad pou pwoteje kò ou sou wou. Fè timoun yo ak bèt kay ou ret anndan kay.